9 წლის გოგონას გარდაცვალებაზე ბებიას პირველი კომენტარი :( ერთი ეგ ვიცი...

გორში, კულტურისა და დასვენების პარკის მიმდებარე ტერიტორიაზე ამ წუთებში პოლიციის რამდენიმე ჯგუფი მუშაობს და ოპერატიულ-სამძებრო ღონისძიებები მიმდინარეობს.

აღნიშნულთან დაკავშირებით შსს კომენტარს ჯერჯერობით არ აკეთებს. არაოფიციალური წყაროებით კი ვრცელდება ინფორმაცია, რომ გორში 9 წლის გოგონას მკვლელობის საქმეში ბრალდებულმა იაგო ნებიერიძემ წლების წინ გაუჩინარებული კიდევ ერთი ბავშვის ცხედრის ადგილსამყოფელი აღიარა და სამართალდამცავები სწორედ აღნიშნული ადგილს ეძებენ.

ამ ინფორმაციას შსს არ ადასტურებს.

11 წლის ზაქრო ბერძნიშვილი გორში, 2004 წლის 1-ელ ნოემბერს გაუჩინარდა. ოჯახს უცნობმა პირებმა გამოსასყიდი მოსთხოვეს. გაუჩინარებული ზაქრო ბერძნიშვილის საქმეში ფულის გამოძალვის ბრალდებით იაგო ნებიერიძე იხდიდა სასჯელს, რომელიც მაშინ მხოლოდ 20 წლის იყო და მამასთან ერთად, დაკარგული ბავშვის ოჯახის კუთვნილ ავტოფარეხში მუშაობდა.

პირდაპირ ტრანსლირებას ადგილიდან ტელეკომპანია "დია" ახორციელებს

9 წლის გოგონას მკვლელობაში ბრალდებული, რომელიც სამართალდამცველებმა დღეს დილით დააკავეს, 34 წლის იაგო ნებიერიძეა.

ნებიერიძე გორში მოკლული მოზარდის საცხოვრებელი სახლის პარალელურ ქუჩაზე, ერთ-ერთ საცხოვრებელ სახლში, სარემონტო სამუშაოებზე იყო დასაქმებული.

გავრცელებული ინფორმაციით, მისი დაკავება ამავე სახლში მოხდა. ასევე გავრცელებული ინფორმაციით, საცხოვრებელი სახლის სარდაფში კედელსა და იატაკზე სამართალდამცველებმა მოკლული ბავშვის სისხლის კვალი აღმოაჩინეს.

ერთ-ერთი ვერსიით მკვლელობაში ბრალდებულმა, გოგონა ჯერ სახლის სარდაფში წამებით მოკლა, შემდეგ კი მისი ცხედარი ურიკით მდინარე ლიახვის ნაპირზე მიიტანა და დატოვა.

ცხედარს აღმოჩენისას ხელები შეკრული ,თავზე კი ცელოფნის ტომარა ჰქონდა ჩამოცმული.

გოგონა, რომელიც სახლიდან გუშინ შუადღის სამი საათისთვის გავიდა, საღამოს მდინარე ლიახვის პირას ადგილობრივებმა მოკლული იპოვეს.

გამოძიება დამამძიმებელ გარემოებაში განზრახ მკვლელობის მუხლით მიმდინარეობს. მკვლელობის მოტივზე ინფორმაცია შს სამინისტროს არ გაუვრცელებია.

12 წლის ელენე გიორბელიძე, რომელსაც რამდენიმე საათია სამართალდამცველები და ახლობლები ეძებდნენ, ნაპოვნია. მოზარდი სახლიდან დილით გავიდა, შემდეგ კი არავის უნახავს. ოჯახის ახლობლის განმარტებით, აღნიშნულის შესახებ პოლიციას დროულად შეატყობინეს. მე-4 საჯარო სკოლის მოსწავლე ამჟამად უკვე სახლშია. ბავშვი ერთ-ერთმა მოქალაქემ იპოვა და სამართალდამცველებს შეატყობინა. მანამდე პოლიციის განყოფილებაში გამოკითხვაზე იმყოფებოდნენ გაუჩინარებული ბავშვის ოჯახის წევრები. თავდაპირველად ვრცელდებოდა ინფორმაციაც, რომ ბავშვმა დედას წერილიც დაუწერა, სადაც ის მშობლებს ემშვიდობება.

ტელეკომპანია "დია" გორში გადაღბულ კადრებს ავრცელებს, რომელშიც ჩანს, როგორ ამხობს მერიის ადმინისტრაციის უფროსი აქციის მონაწილეს თავზე ვედროს.