ტაილერ პერი / Tyler Perry


შეაფასეთ:

დაბადების სახელი: ტაილერ პერი / Tyler Perry
დაბადების თარიღი: 13 სექტემბერი 1969
დაბადების ადგილი: ახალი ორლეანი,ლუიზიანა,აშშ
პროფესია: პროდიუსერი, რეჟისიორი, მსახიობი, კომპოზიტორი
ზოდიაქო: ქალწული

ბიოგრაფია: ამერიკელი მსახიობი, რეჟისორი, სცენარისტი, დრამატურგი, მწერალი, პროდიუსერი და სიმღერების ავტორი ტაილერ პერი დაიბადა მჭედლის, ვილი მაქსინ პერის და ემიტა პერის ოჯახში.მას მაინცდამაინც კარგი ბავშვობა არ ჰქონია. მის გარდა, ოჯახში კიდევ სამი ბავშვი იყო.მამა უნებისყოფობის გამო, ხშირად ჩხუბობდა და უიმედო მდგომარეობაში იყო ხელებჩამოყრილი.ოჯახის შენახვის ვალდებულებებს რომ გაქცეოდა, მან თვითმკვლელობაც კი სცადა.მამისგან განსხვავებით, დედა შვილებზე ზრუნავდა და ისინი ეკლესიაშიც დაჰყავდა.16 წლის რომ შესრულდა, ტაილერმა გადაწყვიტა მამასთან საერთო არაფერი ჰქონოდა და სახელი იურიდიულად შეიცვალა.
მართალია, პერის სკოლა არ დაუმთავრებია, მაგრამ განათლების დიპლომი მაინც მიიღო.როცა ის 20-ს გადასცდა, ოპრი უნიფრის შოუს ნახვისას, მივიდა იმ აზრამდე, რომ თუკი თავისი განცდებისა და გრძნობების ქაღალდზე გადმოტანას დაიწყებდა, ამით თერაპევტულ ეფექტს მიაღწევდა და შვებასაც იგრძნობდა.ასე მიჰყო ხელი მან მწერლობას.მალე პერიმ წერილების სერია შექმნა საკუთარ თავზე, რომელიც შემდეგში საფუძვლად დაედო მიუზიკლს "მე ვიცი,რომ შევიცვალე."
1990 წელს ის ატლანტაში გადავიდა, სადაც სამოყვარულო თეატრმა, თავად პიესის ავტორის სახსრებით, სულ 12 ათას დოლარად, მიუზიკლი "მე ვიცი,რომ შევიცვალე" დადგა.მიუზიკლში მიმტევებლობის ქრისტიანული თემატიკა იყო წამოწეული პიროვნული ღირსების,საკუთარი თავისადმი პატივისცემის, ბავშვებზე ძალადობის წინააღმდეგ ბრძოლისა და ღარიბ ოჯახთა ყოფითი პრობლემების ფონზე.1998 წელს მიუზიკლმა დიდი წარმატებები მოიპოვა. პერი ახალ დადგმებზე მუშაობას განაგრძობდა, რითაც აფროამერიკელთა დიდი სიყვარული და აღიარება მოიპოვა.
2005 წელს ჟურნალი "Forbes" წერდა, რომ თავისი კარიერის მანძილზე პერიმ 100 მილიონი დოლარსე მეტი ღირებულების ბილეთი გაყიდა და წელიწადში დაახლოებით 300 შოუს დგამდა, რომელზეც ყოველკვირეულად 35000 მაყურებელი ესწრებოდა. ამავე წელს მან კომედიური ჟანრის თავისი პირველი ფილმი გადაიღო სახელწოდებით "უტვინო შავი ქალის დღიური". ის ძალიან პოპულარული შეიქნა აშშ-ს აფროამერიკულ მოსახლეობაში. ამ ფილმის გადასაღებად მან ბიუჯეტიდან 5,5 მილიონი მიიღო, რომელმაც შიდა ბაზარში 50,6 მილიონი, ხოლო, საერთოდ 65 მილიონი მოუტანა.
მისი შემდეგი პროექტი იყო რომანტიკული დრამა "მამიკოს გოგონა", რომელიც 2007 წელს გამოჩნდა ვიდეოზე. მას მალე მოჰყვა მესამე ფილმი "რატომ დავქორწინდი?" პერიმ ამავე დროს საკუთარი სტუდია გახსნა ატლანტაში. მისი უახლოესი მეგობრებია: ოპრა უინფრი, უილ სმიტი და ჯანეტ ჯექსონი. ის თავის თავს მორწმუნე ადამიანად თვლის და ეს თემატიკა ხშირად იჩენს თავს მის შემოქმედებაში. 2009წელს მას ავადმყოფობის შედეგად, 64წლის ასაკში, დედა გარდაეცვალა. ის უცოლოა და ატლანტის სამხრეთ-დასავლეთში ცხოვრობს, იქ სადაც მისი სტუდიაა განთავსებული და დიდ დროს უთმობს საქველმოქმედო საქმიანობას.
2011 წელს, მსოფლიოს მასშტაბით, პერის ფილმებიდან 500 მილიონი დოლარი შემოუვიდა. დღეისთვის, რეჟისორის ამპლუით ის 24 პროექტის ავტორია, რომელთა შორის ვიდეოფილმები, სრულმეტრაჟიანი მხატვრული ფილმები და ორი სატელევიზიო სერიალია.ამავე წელს ჟურნალმა "Forbes" ის მასობრივი გართობის სფეროში, ყველაზე მდიდარ კაცად დაასახელა, რომლის შემოსავალიც 130 მილიონი დოლარი იყო 2010წლის მაისიდან - 2011წლის მაისის ჩათვლით.


თუ გსურთ სხვა მსახიობების ბიოგრაფია და ვერ იპოვეთ ჩვენს საიტზე მოგვწერეთ "თხოვნებში" და დავამატებთ


გაუზიარე მეგობრებს შენი საყვარელი მსახიობი სოციალურ ქსელებში..
კომენტარი: 0 | დაემატა: 1697
დაამატე კომენტარი

avatar